以正視聽!!! (認真mode)
不經不覺間，Present Present 已經搭入第三個年頭喇。呢3年，多謝各位客人陪著 Present Present 成長，全賴有各位客人嘅支持同對 Present Present 嘅信心，Present Present 已經愈嚟嚟成熟。

仲成熟到一個點係已經出現咗 Present Present 嘅翻版，但要知道，Present Present 先係原裝正版嗰個，您哋咁聰明一定會識分嘅，係咪？

雖然俾人抄襲感覺唔好受，但換個角度諗︰好嘢先有人抄！所以都多多少少係一個鼓勵。

所以 Present Present 會決定要做得更好！畢竟抄係唔會抄到 Present Present 各位精英級嘅員工。Present Present 嘅各員工會時時刻刻都爆發我哋嘅小宇宙，務求要人哋抄都覺得辛苦！

另外，我哋會堅持我哋嘅初心︰搵更多更多新奇有趣同埋好玩嘅高質Product，令各公司可以係送禮嘅同時亦提升到公司嘅形象。

魚與熊掌，係可以兼得架！

PPP 一直都相信「真金不怕洪爐火」。就算出現咗「疑似 分公司」，就算我哋嘅concept 俾人「抄考」咗，我哋深深處嘅軟件都係人哋抄唔到嘅。因為「正牌」永遠是最好的(請用普通話說)，正牌先會經得起時間嘅洗禮﹑困難嘅考驗同埋您哋嘅試煉。

所以，
請時間嚟洗禮啦！ Come on!!!
請困難嚟考驗啦！ Come on!!!
請您哋嚟試煉啦！ Come on!!!

因為最後仲可以企係擂台上嘅一定會係我哋，而呢一份光榮係每一位選擇我哋同相信我哋嘅你﹑妳同您。